WILLEMATAD.- Minister di Desaroyo Ekonómiko Ruisandro Cijntje awe ta bisa ku situashon di blackout ta inaseptabel. Komo minister e ta responsabel pa Aqualectra. “Komo
siudadano, nos ta di akuerdo ku e situashon aki ta unu inakseptabel.”
E ta splika ku “ya nos ta den trámite pa buska ekspertonan for di afó pa por duna un bista di e situashon di nos planta di utilidat i asina wak kon pa pone e planta di utilidat traha optimalmente.”
Cijntje ta sigui bisa ku e ta karga su responsabilidat “i gerente di Aqualectra mester karga esun di dje.” Cijntje a yama un reunion ku su koleganan minister awe “pa asina nos por deliberá i buska un solushon duradero pa e situashon aki. Komunidat di Kòrsou por konta ku lo mi sigui hasi mi máksimo esfuerso pa asina logra remediá e problemátika di suministro di koriente aki.”
