AMSTERDAM – E morto violento di e Arubiano Johnny Ponson (65) na Amsterdam e siman aki ta yen di pregunta ainda. Asina ministerio publico ta raporta. E homber a wordo haya diasabra ultimo morto den su camber den e flat Gravenstein den Bijlmer. “Nos tin hopi pregunta ainda riba e victima y su bida” Folkert van Dekken, cu ta lidera e ekipo di recherche investigando e crimen. “E no tabata sali hopi, pero tabata hopi servicial cu su bisiñanan. E tabata yuda nan cu nan papel di impuesto.
E tabata pensiona pero ta yuda hende si. E tabata biba su so, pero tin 3 yiu cu dos muher. Riba e diasabra mainta di e suseso, un conoci di Ponson a sinti algo straño. “E victima a bestel cuminda den siman, pa busca den fin di siman. Pero e no a bin. Un otro amigo tabatin un cita cu ne e diasabra ey. E la bishite diadomingo pero ningun hende a contesta, cu ta straño pasobra semper e tabata na cas. E la alarma polis e ora cu a haya e curpa. Mientras cu Ponson tabatin algun dia morto, no ta conoci ainda cuanto dia.
SCENARIOPolis ta tene cuenta cu varios scenario, y no kier a bisa si tabatin un robo, den su caso. E tabata un hende ordena cu semper tabatin su apartamento ordena. A puntra pa hendenan cu tin algo riba e caso, pa meld na polis pa asina por yuda soluciona e caso.
