WASHINGTON, AP.- E konstrukshon di e “gran muraya bunita” ku presidente Donald Trump a primintí di konstruí na frontera ku México ta enfrentá problemanan grandi geográfiko i físiko, segun sekretario, Ryan Zinke.
Zinke a bisa den un konferensia ku e konstrukshon di e muraya ta “kompliká den algun zona”, entre nan e parke nashonal Big Bend i riu Bravo, ku ta konstituí gran parti di e frontera di 3.200 kilometer.
E gobièrnu federal ke ekstendé e plaso pa empresanan por ekstendé nan promé kontrakt pa e muraya.
E agensia di Duana i Protekshon na Frontera a bisa ku e ekstenshon di seis dia te ku 4 di aprel lo duna tempu pa rospondé desena di pregunta ku e empresanan a presentá promé ku e vensementu original di djárason mèrdia. Na komienso di luna, e agensia a pidi proposishonnan pa un muraya di 9 meter di altura.
Segun senador demókrata Claire McCaskill, e gobièrnu a informá na su kolaboradornan ku e presupuesto di otro aña ta eksihí 2.600 mion dòler pa konstruí ménos di 120 kilometer di e muraya.
