WILLEMSTAD.- Djaweps tras di lomba outoridatnan ulandes a konfiská 1.800 kilo di tabako ilegal.
Tur kos a kuminsá ora ku Kuerpo di Bombero a haña notifikashon di un holó persistente ku ta sali for di un edifisio na Deventer. Ora ku e Kuerpo di Bombero a yega i a realisá nan investigashon a resultá ku ta trata aki di un holó ku ta bin di tabako.
Akinan a yama polis, duana i FIOD pa investigá un ke otro.
Durante e investigashon a resultá ku ta trata di tabako ilegal, kaminda ku a konfiská 900 kilo di tabako.
E investigashon na e sitio aki a kondusí na un otro lots na Emmeloord. Akinan a konfiská 800 kilo di tabako.
E investigashon a hiba e outoridatnan na un kònteiner na Diemen kaminda ku a konfiská 115 kiko di tabako ilegal.
A konfiská tur e tabakonan i tambe tur aparatonan ku tabatin pa prepará e tabako den sigaria.
Kontrabanda di sigaria ilegal ta krea entradanan mionario pa e sirkulo kriminal.
Manera ta konosí ya pa algun aña kaba fabriká nan di sigaria ta kambiando di sigaria komun, pa aparatonan ku ta keinta e tabako, mirando e echo ku tabako ta hopi malu pa salú di hende.
E aparatonan di keinta ta ménos dañino.