WILLEMSTAD.- Ayera un biaha mas naturalesa a demostrá ku su forsa ta indomabel. Pero for di esaki nos ta mira su bunitesa. Werlek sigur ta un dje partinan di naturalesa ku nos no por dominá, pero hopi biaha nos ta atmirá su bunitesa pa peligroso ku e por ta. E mal tempu ku a pasa un ratu riba Kòrsou ayera nochi a bai kompañá ku hopi áwaseru, tambe bos i werlek, i esei tabata motibu tambe pa a kanselá e evento di rehabilitashon di Tula den Parke Lucha pa Libertat na Rif. Na momentu di un espektákulo natural manera esaki Dios ta duna nos un frakshon di sekònde so pa inmortalis’é pa medio di un foto!!
