BANGKOK, AP.- Por lo ménos 13 persona a muri djadumingu despues ku un barku di dos nivel a bòltu den un riu na nort di Bangkok. Asina medionan tailandes a informá. E barku tabata transportá mas di 100 pasahero.
Mas di 30 persona a wòrdu hospitalisá ku leshon, pero un kantidat no determiná ta pèrdí ainda.
E aksidente a tuma lugá djadumingu atardi despues ku e barku a dal den un opheto miéntras esaki tabata transportá pasaheronan den e riu Chao phraya, den provinsia di Ayuttaya.
No ta konosí na ki momentu e boto a dal. Reskatistanan a bisa ku 13 a muri.
Surasak Sansombat, funshonario di departamento di Puertos a bisa ku e barku tabatin kapasidat pa 50 pasahero i ku debí na e ekseso di pasaheronan riba esaki, e boto a bòltu. Na momentu di e aksidente tabatin un koriente fuerte den e riu, segun ThaPBS.
Koronel Surapong Thampitak, di polis, a bisa na ThaPBS ku e pasaheronan tabata tailandes musulman ku a biaha den un seremonia religioso.
No a informá si tabatin estranheronan tambe entre e víktimanan.
E labornan di reskate a kontinuá djadumingu anochi, pero a bira difísil pa e áwaseru i tambe skuridat.
