WILLEMSTAD.-Inspekshon di impuesto, departamentu di asuntunan fiskal, SBAB, Duana i Ministerio Publiko ta trahando huntu na aplikashon penal di lei fiskal i lei di duana. Esaki ta fiha den e Aanmeldings-, Transactie- en Vervolgingsrichtlijnen voor fiscale delicten en douanedelicten 2019, asina un nota di Ministerio di Finansa fechá 10 yanüari ta indiká.
Konforme artíkulo 55, insiso 2 di Algemene landsverordening Landsbelastingen i liñanan di guia di ATV, kasonan ku un desbentaha fiskal di entre NAf100.000 i 500.000 ANG pa impuesto i entre 50.000 i 250.000 ANG pa loke ta trata derecho de duana i e asina yama delitunan di omishon, manera keda sin hasi aangifte lo keda kobrá pa e Direktor Sektoral de Asuntunan Fiskal. Esaki ta enserá ku e direktor lo pasa tur prosès verbal i loke a keda konfiská den listramentu hudisial pa fiskal di hustisia.
Ta resultá ku den práktika ta apénas 55% di esnan ku tin obligashon di hasi aangifte di impuesto ta kumpli ku e obligashon ei pa loke ta trata belasting riba ganashi. Esei ta hopi abou segun e dokumentu ta indiká. Den konsulta e órganonan ariba menshoná a bai di akuerdo pa bini ku un plan pa subi e nivel di compliance di aangifte riba impuesto di ganashi. E plan ta enserá ku den kaso ku un hende ku tin obligashon di hasi aangifte no kumpli ku esei, asta despues di vários atvertensia, ku ta pasa mesora pa persekushon hudisial.
E punto ta ku na momentu ku un hende ku tin obligashon di hasi aangifte no kumpli, ni maske a manda pe vários atvertensia, esei ta stroba e bon funshonamentu di inspekshon di impuesto. Inspekshon mester bai apliká aanslag kalkulá i esei no ta kumbiní.
Mas detaye den edishon di EXTRA.
