NEW YORK, AP.- Un par di organisashon invershonista importante a pidi Apple pa adoptá medidanan pa para e adikshon di e menornan di iPhone, loke ta aliviá e oumento di preokupashon riba e efektonan negativo di e aparatonan i retnan sosial.
Jana Partners LLC, ku sede na New York, i e Sistema pa retiro di Maestronan di estado di California, a bisa den un karta habri dirigí pa Apple ku e kompania mester ofresé mas opshon i hèrmènt pa yuda menornan kombatí adikshon di e aparatonan aki.
Ambos organisashon ta kontrolá e akshonnan di Apple konhuntamente pa 2.000 mion dòler.
E proposishonnan ku Apple a presentá ta inkluí: establesé un komishon di eksperto ku ta inkluí spesialistanan den desaroyo infantil; pa e empresa ofresé mas informashon i a investigadornan i mehorá nan programanan informátika di e aparatonan pa mayornan tin mas opshon pa asina protehá e salú di nan yunan.
E karta ta menshoná diferente estudio i enkuesta riba kon e uso konstante di smartphone i retnan sosial ta afektá e salú mental negativamente i físikamente. E ehèmpelnan aki ta inkluí distraishonnan den aula, un disminushon den e kapasidat di studiantenan pa konsentrá i un oumento di riesgo di suisidio i depreshon.
