WILLEMSTAD.- Polis ta pidi búskeda di e hóben Nadjeley Leandra Van Col, nasé na Kòrsou di 16 aña di edat. Djamars 16 di aprel 2024, pa 5 or di atardi e hóben aki a sali kas den área Groot Kwartier i no a regresá bèk.
Nadjeley tin e siguiente deskripshon:
Haltura: 1.60 m, Postura: delegá, Forma di kara: oval, Kabei: natural, Koló di wowo: maron skur, Koló di kueru: maron kla.
Na momento ku Nadjeley a sali bai e tabatin un jeans i un t-shirt bèrdè i na su pia un “crocs” shinishi skur.
Na su man robes paden e tin un tatuahe ku e palabra “miracle”.
Polis ta supliká tur persona ku por duna kualke informashon tokante di e hóben aki pa tuma kontakto ku polis na number di telefòn 917 òf e number anónimo 108.