WILLEMSTAD.- Politur ayera a bai riba e lugá di parker na Mambo pa atendé ku un taksista ilegal. Ta kontinuamente ta haña personanan ku no ta outorisá pa transportá turista, ta usa nan vehíkulo propio pa hasi esaki tòg.
I esaki parse tabata e kaso ayera. Politur a yega i a pone e outo di e persona ku a hasi su mes kulpabel na e akto ilegal i bai ku esaki.
Manera ta konosí, polis ta aktua severamente kontra tur ku ta hasi e aktonan ilegal aki. Ser taksista ta un trabou ku ta trese responsabilidat i seguridat kuné i p’esei no ta permití niun hende transportá turista sin tin e pèrmitnan nesesario pa hasié.
