WILLEMSTAD. – Bomberonan por tabata den akshon, pero esei no a nifiká ku polis no por paga kandela. Un hopi bon ehèmpel. Ayera a surgi un kandela di mondi den Navajoweg, djis pegá ku Ignatius College. E kandela un dado momentu tabata asta menasá di a yega e skol. Polisnan ku a yega huntu ku abitantenan a usa slan di awa di kas pa dominá e kandela. Esaki tabata nesesario mirando e echo ku netamente ayera kuerpo di bombero tabata den akshon. Mester bisa ku despues di un ratu di bringa ku e kandela e polisnan i abitantenan a logra paga e kandela.
