WILLEMSTAD – Awe mainta outoridatnan polisial a haña nan konfrontá ku un situashon ku sin duda tabata unu hopi emoshonal. E lokual EXTRA mes por a testiguá ta kon e situashon aki a pone un polis bai na rudia pa asina por a trankilisá un yu di 2 aña ku a aksidentá kayendo for di un palapa. E biaha aki e polis mester a mustra su banda di kombibensia no solamente pa e yuchi aki pero ku famianan ku tabata hopi nèrvioso pa lokual a kaba di pasa. E lokual a polis a demonstrá awe mainta sigur a trese un trankilidat na e sitio. E aksidente mes a tuma lugá na un kas riba Seru Loraweg i pa motibu di e kaida e yuchi a resultá herida. Polis a pidi ambulans pa yega na e sitio ku rapides pa hiba e yu CMC. Mayornan tabata basta preokupá.
