WILLEMSTAD.- Kasonan di maltrato relashonal ta sigui tuma lugá riba nos isla diariamente. Esaki tabata e kaso djabièrnè último den oranan di mainta, na momentu ku Sentral di Polis a dirigí un unidat polisial na un kas na Arikokweg, pa un kaso di maltrato relashonal.
Na yegada di e unidat polisial a topa un dama ku a deklará na polis ku su pareha a maltrat’é. Na e sitio a detené e hòmber sospechoso D.C.v.K, nasé na Kòrsou di 54 aña di edat.
A presentá e sospechoso dilanti un fiskal ouksiliar ku despues di interogashon a ordená su enkarselashon pendiente di mas investigashon.