WILLEMSTAD – Awe den oranan lat di mainta Sentral di Polis a risibí informashon ku den mondi den área di Skèrpènè lo tin tres outo pluma skondí. Mesora patruya di polis a sali den direkshon i na nan yegada enberdat a bin topa tres outo di kual dos Kia Picanto ku tabata mal pluma. E otro tabata un Hyundai Tucson ku parse ku ainda e kriminalnan no a kaba di hasi e trabou di pluma esaki for di otro. Mesora polisnan a start ku e investigashon pa despues laga kran bin kue e outonan. Manera e foto nan mes ta mustra no a sobra nada nada di e dos Kia Picanto nan ku no ta ku e bòdi so di e outo.
