WILLEMSTAD.-Kòrsou tin un rei di tumba nobo i den e kaso aki un persona ku pa promé bia ta bai ku e korona tan kudisiá. Ku e komposishon ‘Tera korda mi ken mi ta’, di e kompositor Amos Balentin e hóben Sharrel “Adjatay” Denisia a logra konkista e premio maksimo. E tumba a konta ku areglo di Darrel “Titi” de Palm , melodia di Amos Balentin i ku kompañamentu musikal d e banda ONE Flavaz. Pabien na tur e ganadónan di Festival di Tumba 2024. Esaki tabata e momentu ku minister Sithree van Heijdoorn a bisti Adjatay e korona.
