LONDON, REINO UNI, AFP.- Reino Uní a kombertí djamars den e promé pais europeo ku a superá 30.000 morto kousá pa e Coronavirus nobo COVID-19, surpasando Italia i Spaña, i situando na e segundo puesto mas kastigá na Mundu despues di Merka.
E datonan publiká djamars pa diferente agensia regional di statistik di e pais a suma 32.313 morto. E sifranan aki ta inkluí solamente morto di te ku 24 di aprel di Inglatera, Gales i North Irlanda i te ku 26 di aprel di Eskosia.
E record tristu aki tabata impensabel dos luna pasá, despues ku británikonan a kuminsá registrá e promé mortonan kousá pa e vírus. Ademas, e lider konservador di e pais a wòrdu infektá ku e vírus i mester a wòrdu interná den hospital, inkluyendo tres dia den kuido intensivo.
