ZAPORIYIA, UKRANIA, AFP.- Rusia a anunsiá ku e ke kontrolá henter zùit i ost di Ukrania despues di kasi dos luna di un ofensivo ku el a pone su trupanan den bista di ONU konsiderá di posibel krímen di guera.
“Un di e ophetivonan di ehérsito ruso ta establesé un kontròl total riba Donbas i sùit di Ukrania”, asina Rustarm Minnekayev sup komandante di forsanan di distrito militar di sentro di Rusia a bisa.
Di e manera aki, el a agregá, lo establesé un koredor terestre entre e teritorionan separatista pro ruso di Donetsk i Luganesk, den e region oriental di Donbas, ku e península di Krimea.
E konkista di sùit Ukrania lo permití ademas pa yuda e separatistanan di e region di Transnistria kaminda tambe a opservá kasonan di opreshon di e poblashon ku ta papia ruso, asina e ofisial a bisa.
E gobièrnu pro oksidental di Moldavia a konvoká mesora e embahador ruso i a ekspresá su profundo preokupashon pa e deklarashonnan ei. E presidente ruso Vladimir Putin a lansa e ofensivo kontra Ukrania dia 24 di febrüari na nòmber i e ofensiva di e poblashon ku ta papia ruso di e pais aki.
Putin e siman aki a enfatisá riba e kaptura di e siudat di Mariupol na sùitost di e pais, despues di kasi dos luna di kombate, ounke e kompleho industrial di Azovstal ta sigui bou di kontròl di e resistensia ukraniano.
