HANOI, VIETNAM, AP.- E presidente di Merka, Donald Trump i e lider norkoreano Kim Jong Un, a kuminsá ku e segundo kumbre ku palabra di speransa, den un kombersashon privá promé ku nan a sinta na mesa pa sena i sigui kombersá tokante e armanan nuklear di Norkorea.
“Nos a hasi hopi progreso”, asina Trump a bisa tokante su promé kumbre. “Segun ami e progreso di grandi, tabata nos relashon”.
Periodistanan a puntra si e resultado di e kumbre lo resultá den un deklarashon polítiko pa pone fin na e Guera di Korea. Trump a kontestá e pregunta aki ku “nos ta wak”.
Kim a bisa ku e ta konfia ku “nos lo logra un resultado ku ta komplasé nos tur”.
E sitio di enkuentro tabata e hotèl kolonial i esun neoklasiko Sofitel Legend Metropole den e distrito históriko di Hanoi.
