WILLEMSTAD.-Minister di Finansa, Javier Silvania a kontesta e karta di sekretario di estado Alexandra van Huffelen relashoná ku e rapòrtnan di SOAB riba funshonamentu di e instituto Ontvanger i rekomendashonnan ku a keda presentá. E titular di finansa a gradisí pa e interes demostrá pa van Huffelen den e tópiko i tambe a e sosten demostrá pa e medidanan proponé.
Manera EXTRA a informa anteriormente, sra. van Huffelen a duna aprobashon na e intenshon presentá pa medio di un komunidat di prensa, den kua gobièrnu ta mustra e direkshon pa trese kambionan den Ontvanger.
E reformanan proponé ta enserá e.o implementashon di un plan di mehorashon, pago bek di ‘voorschotnan, finalisá file di debedónan di belasting, hasi kontrolnan interno mas intensivo i krea un punto di sosten kaminda pagadónan di impuesto por akudí. Minister Silvania ta haña ku ta hopi importante pa traha di forma aktivo pa restablesé konfiansa di komunidat di Kòrsou den servisio di impuesto i por logra esei pa medio di transparensia,hustisia i korekshon di erornan di pasado.
Minister Silvania a proponé e sekretario di estado pa e órgano di trabou temporal i e komishon nashonal di reforma por tuma e puntonan di akshon i diskutí esakinan pa despues presentá e resultado i konklushonnan na mandatarionan konserní. Mas detaye den edishon di EXTRA.
