WILLEMSTAD.- Kuminsando djamars awor 16 di aprel Antonieta Wognum lo ta riba plataforma digital di EXTRA ku su programa Simplemente Antonieta. Ayera a duna inisio na e etapa nobo di Antonieta su programa ku bishita di tur ku semper a sostené. Simplemente Antonieta ta riba e plataforma digital di EXTRA, esta Facebook, Instagram i tambe YouTube. E programa ta 3 bia pa siman riba djamars, djárason i djaweps di 11 pa 12’or di mèrdia i ta bibu. I komo un parti nobo di Antonieta ta programa ku públiko. Esaki lo ta dos bia pa siman riba djaweps. E fechanan lo anunsiá despues. Riba e fotonan por mira entre otro e amigunan di Antonieta di TeleCuracao, huntu ku su kasá, diputado van Heydoorn i tambe kolega presentadó Grace. Pabien na Antonieta ku Simplemente Antonieta.
