WILLEMSTAD.-Manera EXTRA a informa den nos edishon awe mainta, sindikatonan ku ta representá trahadónan den sektor publiko a reuní awe mainta den sede di NAPB. Sinku sindikato ta na mesa na e momentunan aki pa deliberá riba proposishon ku tin riba mesa.
E diskushon di momentu ta e pago ku ministernan mes a duna boka ku mester hasi na empleadonan publiko. Konseho di Minister a reuní den un reunion ekstraordinario i a partisipá na e sindikatonan kiko ta intenshon di e gobièrnu aki pa loke ta trata pago di indexering i loontrede. EXTRA tabata presente na momentu ku dirigentenan sindikal a stèl pa hasi palabrashon ku otro. Ta e intenshon pa hunta bai miembronan.
