WILLEMSTAD.- Kalor inmenso di e dianan aki ta motibu pa minister di Enseñansa, Sithree van Heydoorn atrobe instruí direktivanan di skol pa tene kuenta i laga skol kaba mas tempran. Esaki ta konta for di djárason 13 sèptèmber te ku djabièrnè 15 sèptèmber.
Skolnan di fundeshi i skolnan sekundario konsekuentemente a informá tur mayor for di den oranan tempran mainta pa tene kuenta ku skol ta sera tempran. Pa skol di fundeshi esaki ta nifiká ku skol ta kaba for di 11:30’or.
Pa skol sekundario e kambionan ta enserá ku kada “lesuur” ta dura mas kòrtiku i ku ta skrap e último “lesuur” di dia. Konsekuentemente skol ta kaba pa mas tardá 12’or pa tur alumno. Motibu prinsipal pa e medida aki ta e kalor inmenso ku ta hasi kaminda ta midi temperatura di asta 34 grado selsio den sierto lokal. Esaki no ta konsiderá di ta saludabel pa maestro i alumnonan.
