Pa esnan ku pènel solar
WILLEMSTAD.-Bureau Telecommunicatie & Post a anunsiá desishon di gobièrnu pa loke ta trata e tarifa di entrega bek ku Aqualectra ta implementá den kaso di klientenan ku tin e.o pènel solar pa parsialmente produsí nan propio koriente. Den algun palabra por indiká ku ta mantene e tarifanan aktual.
BTP ta splika ku for di 16 di novèmber 2011 ta posibel pa klientenan doméstiko i kompanianan na Kòrsou produsí koriente duradero pa propio konsumo den kombinashon ku konekshon riba ret. Na e momentu akí ta aplikando pa tarifa-di-entrega-bèk di koriente na e ret tarifanan ku ta konsistí di un kompensashon di NAf 0,25 kWh tarifa-di-entrega-bèk di koriente den kombinashon ku un kompensashon fiho di NAf 8,00, NAf 16,00 òf NAf 24,00 pa luna pa kada kWp instalá. E kresementu di merkado pa instalashonnan PV durante di último añanan den 2023 a reanudá i bira mas fuerte. E faktornan mas importante den esaki ta i) un bahada robusto den e kosto di kompra pa un instalashon solar i ii) e tarifanan usuario final pa elektrisidat ku tabata relativamente haltu durante 2023. E tarifanan haltu pa elektrisidat tin un efekto faborabel riba e periodo-di-ganashi-bèk pa usuario final ku produkshon di elektrisidat duradero pa uso propio debí na e ekonomisashon ku ta surgi for di aki.
A base di e evaluashon anual konforme e “Tariefrichtlijn kleinschalige duurzame stroomvoorziening” Gobièrnu di Kòrsou pa e motibu aki a tuma e desishon pa mantené e tarifanan ariba menshoná. E pago mensual fiho pa kubri e gastunan pa uso i poné na disposishon di e ret, e konekshon di ret i e kapasidat di produkshon lo wòrdu mantené. E tarifa pa koriente debolbé tambe lo keda mantené na NAf 0,25 per kWh. Komo kiera ku esaki ta rasonablemente den liña ku e kostonan di elektrisidat duradero produsí komo parti di e klóusula di kombustibel. Mediante e mantenementu di tarifanan-di-entrega-bèk aktual pa 1 di yanüari 2024, manera menshoná den e skema akibou, lo sòru pa e usuario partikular òf empresanan por realisá un periodo di ganashi rasonabel ku ta abou e periodo-di-ganashi-bèk internashonalmente. Mas detaye den edishon di EXTRA.
