NEW YORK, AP. – Outoridatnan tabata investigando kiko ta loke a kousa un eksploshon djadumingu anochi den un bario di Manhattan. Esaki a laga 29 persona heridá. E alkalde, Bill de Blasio, a deskartá ku e eksploshon tabata relashoná ku terorismo, pero a deskribí e eksploshon komo un akto “intenshonal”. Algu despues, polis a retirá un aparato sospechoso ku a keda deskubrí djadumingu mardugá.
“E siudat di New York a sufri un insidente hopi malu awe nochi”, asina De Blasio a bisa den un rueda di prensa serka di e sitio di eksploshon na Chelsea. “Na e momentu aki no tin un menasa kreibel i spesífiko”.
De Blasio a bisa ku e eksploshon tabata un akto “intenshonal” i a purba kalma kualkier miedu entre new yorkinonan nèrvioso, indikando ku esaki tabata un akto terorista. E eksploshon no tabatin niun konekshon ku un eksploshon di tubu di bòm registrá djasabra na New Jersey.
No ta evidente ken tabata tras di e eksploshon aki, ni kiko tabata e motivashon.
E segundo artefakto eksplosivo ku outoridatnan a haña vários kaya leu tabata parse un ola di preshon konektá ku kabel i un selular. Asina Associated Press a afirmá den un fuente di forsa di seguridat.
