WILLEMSTAD.- Minister Charles Cooper huntu ku Servisio pa Obra Públiko (OW) ta informá ku for di mañan djárason 6 di desèmber lo kuminsá ku mantenshon di Weg naar Westpunt for di Santa Cruz na altura di Hòfi Mango te ku Playa Lagun.
Riba Weg naar Westpunt for di Santa Cruz te na altura di Hòfi Mango te ku Playa Lagun, lo pone ‘cat-eyes’, i marka e kaminda. E trabou aki lo tin un durashon di 1 siman. Lo hasi e mantenshon aki pa asina hasi e kaminda mas visibel.
Kontratista MNO-Vervat ta na enkargo di ehekushon di e trabou aki i lo sera e kaminda parsialmente. Durante ehekushon, abitantenan i negoshinan ku ta keda riba e kaya ariba menshoná por yega nan kas òf establesimentu normalmente. Pa otro outomobilistanan ku tin ku hasi uso di e karetera aki, lo tin ruta alternativo guiá pa barínan oraño i bòrchinan ku ta indiká
OW ta hasi un apelashon na tur outomobilista pa tene kuenta ku e desaroyo aki.
