Trùk mal yená ta susha kaya i kousa peliger

2037

WILLEMSTAD.-Awe mainta EXTRA a tuma nota di un Trùk yen di greis stenchi tabata kore na altura di rotònde di Palu Blanku i e ta basha basta material riba kaminda. Ta parse ku e shofùr no tabata ripara mes ku e ta lagando un linja di greis stenchi hinter e kaminda ku el a kore. Outonan ku ta bini ta slep den e sushi aki i tin otro vehíkulonan ku ta haña pieda chikitu ta dal den nan windshield.
Falta di kontrol kombiná ku butnan mas fuerte ta pone ku hende ta falta ku regla hopi fásil. Esaki ta un situashon ku hopi outomobilista ta topa praktikamente tur dia riba kayanan di Kòrsou, esta un Trùk yená ku santu, greis, greis stenchi i otro material ta demasiado yen te ku e ta basha riba kaminda publiko. Algun tempu pasa a introdusí un regla ku tur vehíkulo ku ta hasi transporte mester pèrkurá ku nan tin sea un bon paña di bela pa tapa e kontenido òf mester sòru ku e baki no ta demasiado yen te pa e basha abou riba kaminda. Pero manera indiká ariba pa falta di kontrol kombiná ku butnan mas fuerte tur e reglanan aki ta bira nada mas ku ‘tiger di papel’.

LAGA UN KOMENTARIO

Please enter your comment!
Please enter your name here