WASHINGTON, AP.- Presidente Donald Trump a duna su respaldo djárason na e apertura diplomátiko ku Norkorea inspirá pa Weganan Olímpiko, informando na e mandatario surkoreano ku Merka tabata dispuesto na kombersá ku e gobièrnu di Kim Jong Un durante e sirkunstansianan apropiá.
Segun un komunikado di Kas Blanku, Trump i e presidente surkoreano Moon Jae-in a destaká e importansia di sigui apliká e “mesun preshon” riba Norkorea miéntras nan ta sigui fabriká armanan nuklear, andanada di sanshon ku ta afektando e ekonomia norkoreano.
Pero segun e ofisina norkoreano presidenisal, Trump a bisa na Moon pa aklará na Norkorea ku lo no tin ningun medida militar miéntras e diálogo entre e dos paisnan ta kontinuá. Djamars, e paisnan di Korea, a mantené nan promé kombersashon di nivel haltu den dos aña i a bai di akuerdo pa partisipashon di Norte de Weganan Olímpiko di Wenter den febrüari.
E perspektivanan di resolvé dékadanan di tenshon den e península koreano ainda ta insierto. Pyongyang no a mustra disponibel pa diskutí su armanan nuklear, loke ta nifiká un menasa kresiente pa e teritorio kontinental merikano. E korant di e partido gobernante, den su edishon di djamars a kalifiká Trump komo un “lunátiko” i a bisa ku Merka mester aseptá ku Norkorea ta un potensia nuklear.
