WASHINGTON, AP.- Presidente Winfrey? Di ningun manera. Asina Trump a bisa.
“Mi lo vense Oprah”, asina el a deklará djamars durante un enkuentro na Kas Blanku, ounke el a indiká ku “mi no ta kere ku e lo postulá”.
Kuestioná riba su spekulashon presidensial ku repentinamente a wòrdu formá alrededor di Winfrey, Trump a mantené alehá di insultonan dor di evaluá un posibel enfrentashon entre e dos selebridatnan.
Trump a paresé den un programa di entrevista di Winfrey na aña 1988 i kompañá pa su famia na aña 2011, durante e último temporada di Oprah den aire.
Miéntras demókratanan ta motivá Winfrey pa konsiderá un kampaña, su mihó amigu, e presentadó CBS News, Gayle King, a bisa djamars ku Winfrey ta haña un bon idea pa postulá.
Den sèptèmber i òktober, Winfrey a rechasá e noshon ku e tabata aspirá pa presidensia, ounke el a señalá ku e triunfo di Trump a pon’é evakuá e rekerimentunan pa postulá pa presidensia.
