WILLEMSTAD.- Gerensia di Sentro di Detenshon i Korekshon Kòrsou ta informá komunidat ku entrante 10 di yanüari 2024 lo hasi adaptashon na e reglanan pa bishita detenidonan.
Konsiderando ku e kasonan di Influenza i Covid ta oumentando riba nos pais, Gerensia di prizòn lo kuminsá apliká e regla di tapa boka (mondkapje) obligatorio na momentu ku bin hasi bishita na detenidonan enkarselá.
Tur demas reglanan ta keda vigente, esta ku tur bishitantenan mester presentá ku identifikashon válido, vestuario adekuá (no ta permití slòf na pia, karson kòrtiku ni kibra, ni kamisa manga aden) esaki ta konta pa bishitantenan for di eksterior tambe.
Gerensia di SDKK, ta pidi pa komunidat tuma bon nota di e adaptashon di e reglanan di bishita ku lo keda vigente te ku próksimo aviso. Pa mas informashon por yama nos departamento di bishita na 4348428 òf 4348455 .
