WILLEMSTAD.-Den un veredikto di awe mainta, korte a destruí e pèrmit di konstrukshon “bouwvergunning” ku Ministerio VVRP a duna na desaroyadonan pa konstrukshon di Pen Resort den Pietermaai. Esaki ta nifiká ku mester stòp e konstrukshon.
E personanan Grouwels, Levering i Lans tur bibá na Kòrsou i representá pa nan abogado Achim Henriquez a hana rason den korte kontra minister di Tráfiko, Transporte i Planifikashon Urbano (VVRP) i tambe e kompania Pen Resort BV. Ta asina ku gobièrnu a duna Pen Resort e pèrmit di konstrukshon di 13 yüli 2022 di manera ku e trabounan por a kuminsá. E personanan ariba menshoná a entamá un kaso kontra di e desishon aki. Un dado momentu a dirigí e kaso kontra Minister di Salubridat Publiko, Medio Ambiente i Naturalesa pero durante tratamentu di kaso e personanan a konfirmá ku e kaso ta kontra minister VVRP.
A bin dilanti entre otro ku e último demandante no te doño di e monumento Kas di Pueblo. Korte a disidí ku ta destruí e dekreto. Esaki ta nifiká ku gobièrnu mester bai tuma desishon di nobo riba petishon di e di tres interesado, teniendo kuenta ku e veredikto aki. Mester fiha e haltura di e konstrukshon. Tambe mester wak e interes di esnan ku ta biba pega eibanda i tene kuenta ku molèster ku konstrukshon grandi asina por trese kuné. Dentro di kuater luna riba e petishon pa un pèrmit di konstrukshon nobo.
E apelashon ta hustifiká i komo tal ta destruí e bouwvergunning di yüli 2022. Tur detaye den edishon di EXTRA.
PORTRET
Impreshon artístiko di The Pyrmont Hotel ku Pen Resort BV ke konstruí den Pietermaai
