SAN DIEGO, AP.- Warda Kosta di Merka a konfiská 21 tonelada di kokaina den Oséano Pasífiko desde novèmber, mayoria di nan serka di kostanan di Sentro i Suramérika.
E kantidat enorme di droga a wòrdu ekshibí djabièrnè na abordo di e boto Startton di Warda Kosta na San Diego, desde promé ku el a wòrdu deskargá. E funshonarionan a bisa ku e droganan konfiská den 23 insidente separá tin un balor di mas di 721 mion dòler.
E visealmirante Fred Midgette, komandante di e área Pasífiko, a bisa ku mayoria droga ta bini di botonan chikitu ku e trafikantenan ta usando kada biaha mas pa evitá di wòrdu detektá.
Warda Kosta a kibra rèkòrtnan di konfiskashon di kokaina den último dos añanan, ku mas di 277 tonelada di kokaina durante e aña fiskal ku a terminá 30 di sèptèmber.
Asina mes, Midgette a bisa kue ta kere ku esei ta representá solamente un frakshon di e droganan aki.
