WILLEMSTAD – Informashon di último ora ta indiká ku e barku di marina ulandes, Zr.Ms. Groningen nabegando awe bou di bandera di Wardakosta a kaba di interseptá un boto. A logra konfiská 17 bulto di droga i a detené 5 persona. Informashonnan ta hopi skars ainda pero tantu e droga komo e sospechosonan a keda entrega na outoridatnan lokal. E Super Rhib di Wardakosta a bai tuma e droga over riba laman for di e barku di marina pa trese esaki na Parera. Einan Kuerpo Polisial a tuma tur kos over pa sigui atendé ku e droga i e sospechanan. Asina tin mas informashon lo informá EXTRA su lektornan i den edishon di mayan lo tin as detaye.
