Durante di e huisio sumario awe mainta e asosashon di botika a bisa ku e wèlga di botika nan a terminá i tur botika lo ta habri awe normal.
Abogado Braam ku ta representá pais Kòrsou tabata kier a sa sigur ku fo’i mayan e botika nan lo habri 8 or i no 9 or manera awe tabata e kaso di kual e representante nan di e asosashon di botika a sigurá ku esaki ta e kaso.
Wes a bisa ku mirando ku a yega un final na e wèlga di e botika nan e no por tuma desishon den e kaso aki. Djamars awor e asosashon lo sinta ku minister SVB i otro partnernan pa yega na un plan.
