BUENOS AIRES, AP.- Presidente Mauricio Macri lo biaha pa New York fin di siman den un buelo privá debí na un wèlga dekretá pa e kompania aéreo estatal, Aerolineas Argentinas. Asina a wòrdu informá ofisialmente.
Macri lo bula pa partisipá na Asamblea General di Nashon Uní, e promé kaminda e ta partisipá komo presidente di e pais i lo hasi esaki den un buelo priva debí na un “un paro dekretá pa e gremio di piloto ku a afektá buelonan di Aerolineas Argentinas”, kaminda e mester a sali riba su buelo regular. Asina Sekretaria General di presidensia a indiká den un komunikado.
Ainda no sa ora ni dia ku e mandatario lo biaha.
Macri ta biaha kompañá pa su kasá Julie Awada i su komité pa partisipá den e asamblea. Tambe e ta partisipá na Kumbre di Lidernan pa papia tokante refugiadonan, ademas di reunionnan tokante e Akuerdo di Paris tokante kambio di klima ku mester drenta na vigor.
Macri tin algun enkuentro bilateral planiá ku e promé minister italiano, Matteo Renzi i e eks presidente di Merka Bill Clinton.
