DURBAN, SURAFRIKA, AFP.- Suráfrika a desplegá mas di 10.000 trupa djaluna pa yuda restourá poder i awa i búskeda di personanan ku ta pèrdí despues di tormentanan mortal na su kosta ost.
Un siman despues ku áwaseru fuerte a kuminsá den siudat di Durban i provinsia di KwaZulu-Natal (KZN), a registrá 448 morto. Ekiponan di reskate ta pèrdiendo speransa di haña mas sobrebibiente. Presidente Cyril Ramaphosa a desplasá ministernan den siudat di Durban kaminda 40.000 a wòrdu desplasá.
“E tragedia den nos provinsia ta un di e desasternan natural di mas pió den historia di nos pais”, asina gobièrnu provinsial di KZN a bisa.
Vários entiero a tuma lugá den siudat di Durban, pero mirando ku kareteranan ta destrosá òf santananan inundá, mayoria entiero tabata difísil pa ehekutá. Representante di Asosiashon di Direktornan di Entieronan KZN, Nassan Chetty a bisa ku áwaseru kontinuo a “difikultá e proseso pa hasi entiero”.
Den algun di e trupanan tin diferente lotgiter i elèktrishèn, ku ta uniendo un gran kantidat di persona ku ta purbando di normalisá e situashon den e region.
