WASHINGTON, MERKA, AFP.- E sekretaria di Finansa merikano Janet Yellen, ku ta representá Merka e siman aki den e enkuentro di ministernan di Finansa di G20, lo bòikòt algun reunion si Rusia partisipá den esakinan, asina un funshonario a bisa djaluna.
Sinembargo, Yellen tin intenshon di partisipá den e reunion inougural di G20, dediká na e ekonomia global.
E enkuentro lo ta parsialmente virtual djárason, pa tur minister di Finansa i bankeronan sentral di e paisnan, aki di kual Rusia ta forma parti.
Merka no ke pa presensia di funshonarionan ruso den G20 impedí trabounan di e grupo, segun indikashon di e funshonario. El a agregá ku e minister di Finansa ruso lo partisipá virtualmente den algun seshon.
Vários pais di G7, posiblemente lo bandoná e reunion di G20 na momentu ku Rusia ta na palabra, segun informashon di e Minister di Ekonomia di Fransia.
