WASHINGTON, AP.- E gobièrnu merikano a anunsiá djaluna ku tin inisiativanan pa invertí 113 mion dòler den Asia enfokando den e ekonomia digital, energia i infrastruktura.
E komentarionan durante e foro di Kámara Merikano di Komersio, e titular di Departamento di Estado, Mike Pompeo, a bisa ku e invershonnan ta representá e kompromiso di Merka den e region i dedikashon pa promové e independensia einan.
E anunsio ta bira públiko na momentu ku tin un eskala di temor pa un guera komersial frontal entre Merka i China pa e tema di impuesto riba importashonnan.
Un konfrontashon mas direkto ku Beijing tabata sentral pa e polítika di presidente Donald Trump na Asia.
Na komienso di su mandato, Trump a saka Merka di e Akuerdo Transpasífiko, un tratado klave den e region.
Pompeo a bisa ku apesar ku “nos” a retirá di e akuerdo, e empresanan merikano ainda tin interesnan ekonómiko den e region.