Rhuggenaath a reuní ku Raad van State
DEN HAAG.- E tim di minister enkabesá pa premier Eugene Rhuggenaath a yega Ulanda i mesora a kuminsá atendé diferente reunion. Premier a hiba un kombersashon ku vise presidente di Raad van State, Thom de Graaf. De Graaf no ta un deskonosí na Kòrsou ni otro islanan di eks Antia. Tabata un bishita kòrtiku den kua a papia riba diferente punto. Raad van State no tin di haber ainda pa loke ta trata posibel “aanwijzing:” ku gobièrnu di reino ke imponé, pero den kaso ku Kòrsou apelá e desishon e momentu ei si partidonan lo bati na porta di Raad van State pa un konseho.