WASHINGTON, MERKA, AFP.- Merka a outorisá e promé tèst rápido (sneltest) di COVID-19, kual ta duna resultado den 20 minüt.
E tèst a keda desaroyá pa e empresa Ellume, i ta optenibel pa 30$. E empresa tin planiá di entregá 3 mion unidat den yanüari 2021, i miónes mas pa e próksimo lunanan.
Esaki ta un tèst “antigen” i ta nifiká ku esaki ta traha solamente dor di detektá un molekül di superfisie di e vírus, kontrali na e tèst di PCR kual ta detektá ‘material genétiko’ di vírus.