WASHINGTON, MERKA, AFP.- E komité ku lo organisá e seremonia pa kombertí Biden den presidente di Merka a atvertí djamars ku e presensia físiko di e públiko durante e seremonia di 20 di yanüari na Washington lo ta “ekstremadamente limitá” pa evitá propagashon di e Corona vírus.
E presidente elekto Joe Biden i visepresidente elekto Kamala Harris lo huramentá den Capitol durante un seremonia históriko ku ta inkluí protokòlnan di seguridat i salú stringente”, segun indikashon di e Komité den un komunikado.
Normalmente e seremonia aki ta tuma lugá riba trapi di Kongreso, dilanti di National Mall.
Kada kuater aña, sentenáres di persona ta biaha den e kapital di Merka pa presensiá e seremonia aki.
Aña 2017 a marka e promé konfrontashon entre presidente Donald Trump i medionan di komunikashon pa motibu ku nan a enfatisá ku e multitut tabata ménos kompará ku esun di eks presidente Barack Obama.