RIO DE JANEIRO, BRAZIL, AFP.- E fiesta ofisial di fin di aña na Rio de Janeiro, kual lo a sosodé di forma redusí i ku transmishon riba internèt, a keda kandela kompletamente pa motibu ku e kasonan di COVID ta subiendo atrobe, segun indikashon di alkalde djamars.
E plan tradishonal di fiesta ku músika i vürwèrk ta atraé un multitut di hende riba playa di Copacabana, i ya esaki a keda modifiká vários biaha komo kousa di e vírus, kual a mata mas di 23.7000 persona den estado di Rio de Janeiro i bolbe preshoná e sistema di salú.
“E alkalde a opta pa kanselá evento ounke e fiesta a keda anunsiá ku un format nobo, sin presensia di públiko, sin vürwèrk i riba TV. E evento a keda kanselá pa respetá tur víktima i faboresé seguridat di tur hende”, segun indikashon di e institushon den un komunikado.
