WILLEMSTAD – Outoridatnan a kontinuá investigashon den e kaso ponementu di kokaina den kònteinernan na haf. Durante dia di awe RST a konfiská dos outo luhoso na Groot Sta Martha relashoná ku e kaso aki. Ya anteriormente a hasi dos detenshon. Siman pasá un èks bewaker di CPA e hòmber R.J.R. di 50 aña a keda detené i enkarselá pendiente pa mas investigashon. E siman aki e hòmber J.J.J. (45) ku ta traha pa un kompania di uitzendbureau tambe a keda detené na su trabou, relashoná ku e mesun kaso aki. Ta sospechá ku J.J.J. den su funshon komo bewaker den haf di tambe tabata involukrá den ponementu di gran kantidat di kokaina den kònteinernan. Segun Ministerio Públiko no ta ekskluí e posibilidat ku mas detenshon lo kai. I awe a sigui ku konfiskashon di dos outo luhoso na un kas na Groot Sta Martha.
