WILLEMSTAD – Awe den oranan di mainta bomberonan a risibí notifikashon di un kandela den Kaya Silantro den Montaña. Na promé instante tabata djis un kandela simpel ya ku e doño di kas a bai kima sushi i esaki a sali fo’i man kue e kura di kas kompletu. Lokual a hasi e kandela aki mas remarkabel ta ku brantwer a haña nan ta atendé ku un nèshi di abeha ku a ataka nan ora tabata kumpli ku nan tarea di paga e kandela. Esaki ta kosnan ku bomberonan por haña nan konfrontá kuné i ku un insidente simpel por kambia bira un menasa. Ménos mal ku e abehanan aki den e kaso aki no a kousa niun leshon serka e bomberonan. No mas ku siman pasa durante selebrashon di Dia di Bombero, Minister Hato a mustra riba e echo ku hopi biaha hende ta supestimá i no ta mira e importansia di e trabou ku bomberonan en general ta hasi. “E persona ku skohe pa ta un Bombero, ta skohe pa pone su bida na riesgo pa su komunidat i pa ta disponibel 24/7 pa yuda su próhimo.”
