WILLEMSTAD.- Aksidente pa falta di dunamentu di preferensia ta keda un problema den nos tráfiko.
Praktikamente tur dia tin mas ku 1 aksidente di tráfiko kaminda falta di dunamentu di preferensia a hunga un ròl. Esaki tabata e kaso ayera tambe. Shofùr di un vehíkulo a bai sali for di un hanchi subi Koraalspechtweg sin tuma nota ku tabatin otro vehíkulo aserkando riba kaminda di preferensia.
Konsekuentemente a surgi un choke. Despues di e choke, e vehíkulo ku a sali for di Koraalspechtweg a kore den skual i dal den e vehíkulo ku tabata moviendo riba kaminda di preferensia atrobe. No tabatin ningun persona ku a resultá heridá pero si daño material. ForenSys tabata na e sitio i a atendé ku e registrashonnan nesesario.
