WILLEMSTAD.- E akusado R. Lucas kondená na 14 aña den kaso Themis a apelá su sentensia. Themis ta un kaso ku karakter internashonal, kaminda a detené e hòmber yu’i Kòrsou S. ”Tyson” Quant na Dubai, sospechá di ta kabesante di e gèng NLS, ku Ministerio Públiko di St. Maarten i Kòrsou ta akusá pa vários krímen, manera kantidat di asesinato entre Hulanda, Sint Maarten i Kòrsou, labamentu di plaka i trafikashon di droga na gran eskala internashonalmente.
Ministerio Públiko (OM) ta akusá Lucas pa 6 echo kastigabel.
Segun OM Lucas ta keda akusá di ta forma parti di NLS fo’i 2015.
Tambe e ta keda akusá di ta involukrá den e asesinato di “Nino Brown“ i Kymora Gumbs na Sint Maarten relashoná ku morto di Latoya Flanders ku tabata pareha di un di e lidernan di NLS, ‘Nuto’ W, segun OM.
Mas aleu Ministerio Públiko ta akusá Lucas pa labamentu di plaka, transportashon di 39 kilo di koka pa Sint Maarten i 172 kilo di kokaina fo’i Sint Maarten pa Fransia den kònteiner.
Segun OM, Lucas ta keda akusá di tabata kometé aktonan kriminal huntu ku Wawoe. Esaki a base di e kòmbersashonnan, videonan i fotonan di droga den kònteiner, kantidat di plaka den e supuesto telefòn PGP di Lucas ku aparentemente Wawoe lo tabata manda pe.
E ta keda akusá tambe di tabata involukrá den likidashon di 4 hòmber na St Maarten, relashoná ku morto di Flanders.
E kódigo di telefòn ku polis ta sospechá ku ta di Lucas, ta konsistí di vários kombersashon entre e ku probablemente Tyson.
Durante su detenshon di Lucas na hotèl Acoya, polis a konfiská 2 telefòn. A haña un telefòn PGP di e kompania Sky ku basta kombersashon inkriminatorio. E tabatin tambe un kantidat di 8 mil euro den su poder. Den su outo a haña un iPhone ku number di Hulanda. Den e telefòn PGP polis a haña kombersashonnan kaminda e ta papia di blòki, kilo, piedra, Sin Maarten, shofùr i tambe kantidat di sèn. Tambe a haña video nan di kilo nan di droga, potrèt di kònteiner nan ku pakete.
A haña yen foto den vários persona ku a keda likidá, trafikashon di droga, kònteinernan i vários kódigo i ruta.
Wes a bisa den su veredikto ku Lucas ta keda parsialmente akusá pa e transportashon di kokaina. E ta keda akusá pa forma parti di un organisashon kriminal, buska informashon di víktimanan pa asina kometé aktonan kriminal i provokashon di likidashonnan na Sint Maarten.
Wes a bisa ku Lucas no por a splika unda el a haña e 8 mil euro ku a hañ’e kuné durante su detenshon. Tur esakinan ta pone wes yega na un kondena di 14 aña pa R. Lucas.
E kaso lo bini bèk den korte di apelashon kaminda 3 wes lo bai trata e kaso kompletamente di nobo.
 a apelá){kind=link}