WILLEMSTAD.-Awe mainta, miéntras ku solo a kuminsá sali e barku krusero Allure of the Seas a yega Kòrsou i a mara na megapir Tula. Allure of the Seas ta un di e kruseronan di mas grandi na mundu huntu ku su ruman Oasis of the Seas ku ta midi 362 m di largura. Di e mesun kompania Royal Caribbean Cruise Lines tin otro barkunan ku ta hopi grandi tambe manera Symphony of the Seas ku 361m, despues Ovation of the Seas i Quantum of the Seas ku ta midi 348m. Spectrum i Anthem of the Seas ta midi 347m i manera indiká tur e barkunan aki ta di Royal Caribbean Cruise Lines. Allure of the Seas tin un kapasidat di 5492 pasahero i 2150 trahadó. E tin 17 dèk, 2745 kamber. Mas detaye di e bishita na Kòrsou den edishon di EXTRA.
