WILLEMSTAD.- E direktiva aktual di LVMPIDC, ku ta e asosiashon nashonal di profeshonal médiko den Servisio di Kòrsou, ta informa ku durante e reunion general di miembronan e luna aki, ta tuma lugá un elekshon pa direktiva. Konforme statutonan di e organisashon e direktiva aktual a yega final di nan término i mester retirá konforme na e reglanan establesé.
E direktiva aktual di LVMPIDC a keda fundá na 2018 pa protehá interes di tur profeshonal médiko i garantisá kalidat di kuido di e di 2 liña, huntu ku staf médiko.
Na 2018, entre otro, e direktiva a traha un kontrato sólido pa tur profeshonal médiko ku ta traha den Curaçao Medical Center, bou di komishon di negoshashon di HNO.
Presidente di e direktiva aktual ta deseá tur kandidato ku a posishoná nan mes komo kandidato pa e direktiva nobo hopi éksito, alabes e ta informa ku e miembronan di e direktiva aktual ta keda disponibel pa yudá e direktiva nobo ora ta nesesario.
