Aqualectra: No tin skarsedat di koriente
WILLEMSTAD.-Algun bario a kuminsá indiká ku nan a pèrdè koriente. Promé ku 11’or di awe mainta algun habitante a kuminsá anunsiá problema ku koriente. Esei a sigui i te na e momentu aki ku ta kasi 12’or di mèrdia e situashon a keda igual. EXTRA a chek ku Aqualectra i e kompania ta splika ku no tin skarsedat di koriente, sinembargo nan ta na altura si ku tin algun área ku no tin koriente. No por a logra haña un indikashon kon serio e situashon ta ni te ki ora esaki lo por dura. Entretantu Aqualectra ta informá ku tur bario mester a haña koriente bèk
