WILLEMSTAD – Awe den oranan di mardugá polis alrededor di 2:30 am mester a bai ku urgensia pa Goisco pa motibu ku lo tabatin lòsmentu di bala na e establesimentu aki. Na yega na e sitio polis a bin topa ku bewaker di Goisco ku a splika nan ku un ratu promé ladron a intentá na drenta Goisco pero a logra kore ku nan na momentu ku el a los bala den nan direkshon ku su arma reglamentario. Segun e bewaker aki ta trata di dos ladron ku a bula waya parti patras. El a los sigur 5 tiru riba nan i asina nan a kore bai.
