BEIJING, AP.- Por lo ménos 14 persona a muri i 27 a resultá heridá djasabra despues ku un trùk a dal kontra vários vehíkulo na nortwèst di China. Asina outoridat a informá.
E aksidente a pasa despues ku e trùk a pèrdè kontròl i dal kontra outonan ku tabata wardando turno na un ‘tollbooth’ den provinsia nortoksidental di Gansu.
15 persona a muri siman pasá, despues ku un bùs a kai for di un brùg den riu Yangtze den siudat di Chongqing, na wèst di e pais.
Un video di vigilansia di ocho sekònde publiká pa polis ta mustra e shofùr i un pasahero diskutiendo i forsegeando, promé ku e bùs a bòltu repentinamente i finalmente kai den riu.